點頭

同相熟的人，或後生一點的，或豪氣一點的人遇見，會頭向上一chok，打個招呼。同唔熟的人打招呼，頭會向下點一點。

我總覺得，對住讓我向上chok的人，如果遇見時要說話，第一句會係：「喂，點呀」，或者總會「喂」一下。讓我向下點頭的人，第一句說的是：「你好」。

而同朋友傾計，有時係朋友的朋友，唔多熟，話題亦不熱衷，對方說話時卻無故對著你說，然後有一個像問你「同唔同意」的表情時，有時又會報以微笑，然後點頭，又或者笑住搖頭。其實有咩意思？

係無意思的回答。對於搭唔到咀的對話，通常都會報以如此的表情以作回應。有時點頭的時候，其實甚至沒有聽清楚對方在說甚麼，但又不好意思敷衍了事。或者有時好累，又或者本來自己想講，但對方又要搶住講，自己被打斷話柄時，忍住忍住，唯有點下頭，胡亂地帶過就是。

最仆街係，對方講野唔好笑，又要好似懶好笑，又或者講啲我唔明的野又要扮明白，就唯有微笑點頭，裝作清楚明白。

有時點點下，我都覺得好無聊，但又好不自覺會做如此的動作，唔想無禮貌，但又想參與（其實有時真係唔想參與，不過對方「講笑」時又要有一下望一望自己，好似叫你回應：「喂，笑啦，仲唔笑？！」），呢個反射動作，其實只係顯示出，「我在埸呀，我有聽你講野呀」的身體語言。

屌，人的禮儀有時真係好on9。都唔想應你，點咩頭啫？都唔好笑，笑乜撚野啫？