環保企業

在匯豐工作的朋友說：「最近公司裝修兩層，用咗兩億。依家我個位好高智能，電話係部high tech野，全部要用頭戴式耳機通話。無哂in-tray out-tray，迫我的用inbox outbox。咩來？電腦化呀，全部e-document，無紙化。個個位都有張成萬蚊嘅電腦椅，對腰骨好喎。我以前腳底下有個垃圾桶仔，依家都無埋，迫我地所有野都電腦化。總知一味所謂『環保』啦！」

我舉手發問：「如果你打噴嚏，流鼻水，用紙巾抹，咁點算？」

朋友奸笑地說：「咁咪仆街囉，一係放喺枱面，但我地依家個個都好醒呀，用膠紙黐個膠袋喺枱邊，吊住個暫時垃圾袋用住先囉。依家搞到好似醫院咁，個個床位都會黐住個膠袋，騎騎騎。」

朋友補充，原來公司垃圾桶的位置，是擺放在一個離工作枱約三十秒距離的地方，相當不便，於是大家唯有將辦公室「改建」成醫院。

我明白，無紙化是大趨勢，大部份銀行都提倡環保，呼籲客人轉用電子帳單。而現在匯豐要讓辦公室無紙化，也絕對合理。但最讓我感好奇我是，各大銀行經常無故寄傳單給小弟，建議我做貸款，又說已預先為我批核了一筆現金。我幾乎每兩星期便收到一封匯豐或恆生的貸款傳單，每次我都二話不說便拋掉。

不是說無紙化嗎？為何還要浪費紙張印傳單？OK，有時他們的確會無紙宣傳，如打電話給我。

「周先生，你好，我係代表匯豐保險嘅Suki，姓X，今次想同你介紹番個….」

「我無興趣，唔該哂，拜拜」

「周先生，你好，我係代表匯豐保險嘅Yuki，姓X，今次想同你介紹番個….」

「我無興趣，唔該哂，拜拜」

「周先生，你好，我係代表匯豐保險嘅Mandy，姓X，今次想同你介紹番個….」

「我都話無興趣，唔該哂，拜拜」

一星期三個電話，的確是無紙化的宣傳，但正浪費我的時間，電話分鐘，電話的電力。

我明白，大家都係打份工，但我不是早已拒絕了嗎？另外，最令我討厭的，是我明知對方正積極懶係搞環保企業的同事，正大量浪費無謂的紙張。

大企業啊，不要再裝作有良心吧。