科技有時真的很屌

朋友跟我說了一個跟科技有關的故事。

三十歲的陳仔（化名），追女二十年，頭十年靠寫信，打電話之類。後十年開始有MSN、ICQ，甚至近期的SMS、WHATSAPP等。陳仔用開iPhone，佢發覺，WHATSAPP免費之餘，又可以呃到D女仔比個電話號碼佢。例如，明明陳仔只係同個女仔MSN緊或者FB緊，點知佢同個女仔講：「我訓啦，同你WHATSAPP丫，你WHATSAPP係咪？」

你WHATSAPP係咩，比起「你幾多號電話」問得容易。

仲有，其實好無厘頭，明明話訓，又WHAT乜鬼野SAPP呢？

但陳仔的成功機會率高。最終，陳仔靠WHATSAPP追到一個女仔。但陳仔同以前的女朋友亦相當熟略，有時仲會傾下電話，大家真係當大家朋友。點知好衰唔衰，比現任女朋友知道，當然發哂老脾，仲成日懷疑陳仔同前度有路，於是打人掟煲揮刀出劍樣樣齊。

但攻擊得陳仔最傷的，不是這些導致陳仔皮外傷的兵器，而是

女朋友在陳仔的iPhone內裝了一個Spyware，陳仔的行蹤在女朋友的iPhone內一目了然。

SHIT!!!!!!

陳仔的前度在沙田工作，有一次陳仔去了沙田工作，女朋友以為陳仔去了跟前度幽會，後來興師問罪。

成也iPhone，敗也iPhone。

內地也流行類似的追蹤程式。

王伯最近發現，每次與老婆食飯埋單碌卡時，老婆的手機總會「DO」一聲響。王伯不以為然。但過了幾次，王伯終於忍不住問，為何每次比錢都會有人搵自己老婆。老婆梗係話無野。

王伯有時因與朋友飲酒而晚了一點回家，但老婆一樣知道王伯幾時在哪裡飲了多少。王伯開始為自己的私隱而擔心，想到每次埋單時，老婆的電話都響，於是想到跟信用卡有關。打去銀行一問，原來信用卡被人登記了一個，付款手機提示，即每次付款時，會自動發一個短信到指定手機，肯定已成功付款。王伯意想不到的，是老婆在電話一欄中，加入了自己的手機號碼。

科技有時真的很屌。