Steve Jobs 改變了世界，也同時令人蠢頓。自iPhone推出以來，人類使用手機及互聯網的方法也有所改變。iPhone的確為人類帶來無數的便利，並為商家帶來無限的生意空間。可惜，氾濫程度令人類比原始時代更廢。
甚麼都是iPhone 和 ipad, 甚麼都是電子。電子產品令人類之間的溝通少得可憐，咀巴幾乎已經無用。與朋友相約出街，明明大家到了，還是要message要不打電話，到底電話有何用？
吃飯時，估計兩父子正在等老母之際，父親拿著iPad，打開一套卡通片播放，然後「棟」起部iPad比阿仔睇，自己則玩iPhone。吃tea時，一個父親抱著看起來只有三個月大的嬰兒，母親為求令bb唔好喊，拎起部開著的iPad，將保護套一開一閉地不停翻動，讓嬰兒看到時光時唔光的iPad。
連tum小朋友開心用的，都是冷冰冰的電子屏。長大後，你想他叫你一聲「爸，我回來了」，還是whatsapp你？小時候流行的拍紙、搖搖、大富翁，現都可在iPad玩，生產商可以隨時由搵工廠妹做紙做膠，轉為請一班程式員。也因此原因，現在已無人儲閃卡、籃球卡、可口可樂金搖搖、足球員貼紙簿等。基本上，遊戲生產商都可以收皮，加入夕陽系列。
就連去旅行，最關心的，就是酒店有沒有wi-fi，能否whatsapp和facebook。軀殼去了旅行，靈魂猶在線上。別說人家毒男有多毒，這樣也是毒之一種。最離譜是在玩集體遊戲時，都要拎住部電話，一邊message一邊hea玩。既然咁辛苦，做咩要咁唔尊重自己尊重朋友呢？一個中學老師的名句：「面係人地俾，假係自己掉。」
No comments:
Post a Comment