髮型不是重點

身邊不少靚女都剪了短頭髮，包括楊丞琳、高圓圓等，然後一一走來問我，覺得好唔好睇。問長問短，又解釋點解要問：「我身邊啲男人質素比你差，如果你覺得ok，即係佢地都覺得ok嫁啦。你taste咁好，一定夠哂中肯啦！」然後又問我鐘唔鍾意佢地咁樣。靚女們，我又唔係你男朋友，我鍾唔鍾意又點丫？你都剪左啦。唔通叫你：「喂，好樣衰，快啲走！」咁樣？

其實她們內心在意其他男人，包括男朋友，會唔會對短髮有所抗拒。「你知啦，好多索女都係長頭髮，後面睇真係好索，好似好柔軟咁，令男人好想摸下。好正咁喎。」又要剪，又要問。男人愛美女，但美女特別麻煩。

只要你係靚女，不論你剪的是光頭還是skin head，都係一名靚女。我明白男人的膚淺，對長髮女子會加分，對短髮女子會扣分。但想深一層，那個男人係「目及」女定係「目及」頭髮先？「目及」頭髮不如去髮型屋啦。

各人有不同的頭型，直接影響髮型。有人長髮時很靚，但剪短之後便將缺點展現在人前。也有人短髮好睇長髮不滯。正如薜凱琪和楊丞琳的分別。

髮型其次，最緊要係日日洗頭。唔洗頭就會出頭油，我最憎頭油味，這是國內擁有最多的天然氣，相信比稀土之類還要多。仆佢個街，人地奶茶有回甘，國內的頭油味是歷久不衰，能透過空氣傳送直徑十米的地方。如果有科學家可以發明將頭油味當天然氣使用，沙地阿拉伯的油王玩完石油之後，就輪到祖國玩頭油味的「味王」。

如果頭油味可以傳送訊息，所有3G、4G、wi-fi一定收哂皮，頭油味在祖國一定是覆蓋率最好最多最穩定的一個訊號，肯定周圍都收到爆。